Tomas Abarrategiren aitak eta aititak artegia euki eben, artzainak izan ziran. Bere aitak hauxe kontetan eutsan: apirilaren aurreko hilea martia da. Martiko azken egunetan eguraldi txarra hasi, eta apirilaren hasierako egunak sano txarrak izan ziran; edurtzak, abazuzea, kazkabarra egin ebazan, eta ardiak hil.
Eta artzainak eskuak burura eroanda esan eban: — Ai, ai, Marti Kakatsu, arranak kolkoan eta narruak lepoan—, ardiak hil eutsazalako.
Eta besteak esan eutsan: —Baina zelan marti, Marti Kakatsu? Orain apirila bada?
Eta artzainak erantzun: — Bai, baina apirilak martiari bost egun eskatu deutsaz.
